【粵語講呢啲】粵語方言用字：埋
梁振輝 香港資深出版人
字典中，「埋」指「葬」；還指「藏」，也有「收」的意思。然而，在粵語方言中，這個用字派上用場的語境可多呢！
書面語中：
收藏；閉目；過來；說不定；走在一起
廣東人會分別說成：
收埋；合埋眼；埋嚟；話唔埋；走埋一齊
上述各用詞中的「埋」有着不同意義。
廣東話中的「收埋」就是指「收藏」。「收埋收埋」喻任何事情都不會向人透露，全然「藏」在心裏；現今不少人患有抑鬱皆源於此。「埋尾」指「就『收』工」，即工作進入最後階段。
「合埋眼」（口語多讀「恰埋眼」/「協3-1埋眼」），即書面語中的「合目/閉目」，是用來隱喻死亡的；所以「埋」可引申以下代詞：
合；閉
「合埋眼/合埋雙眼」指「閉」目。「瞇埋眼」指眼皮微微「合」攏。「合埋把口」指「閉」上嘴巴。「冚埋個蓋」指把蓋「閉」上。「閂埋道門」指把門「閉/關」上。「埋口」多指傷口愈「合」。「開口埋口」指開口「閉」口，指說話與否；喻經常都是說同一話題。
示例1：
冇錯佢個仔係好叻，都唔使「開口埋口」都係得講個仔有幾叻㗎！
「合攏」指合「在」一起，有彼此「靠」近的意思，所以「埋」可引申以下代詞：
在；靠
「坐埋一枱」指坐「在」一枱。「行咁埋」指「靠」那麼近。「埋站」指「靠」站。「埋岸」指「靠」岸。「埋街食井水」，即「埋岸」後上街吃井水，指水上人上岸定居；後借喻妓女從良。「企埋一便」指「靠邊站」；也用以諷刺人如非事件中的主角，最好不要作任何形式的干預，如給意見。「埋身」指「靠」近某人，也指「靠」攏某人以謀取利益。
示例2：
同你唔係好熟，唔好「行咁埋」！
好多人以為「埋到個富豪身」就肯定有多少着數。我就話要腳踏實地，唔使靠人嘅！
所謂「家家有本難唸的經」，人哋兩公婆嘅嘢我哋知得幾多，至好就「企埋一便」！
「葬」可指把屍首藏於泥土「內」，所以「埋」可引申以下代詞：
內
「內」「外」展示方向；「內」就是向自己的方向。如是者，「埋嚟」「行埋嚟」就是說「過來」「行過來」。「閉」的相反詞是「開」，故「埋」表示內、「開」表示外、出。「開便埋便」，即「開邊埋邊」，指內內外外。「行開行埋」表指出出入入、進進出出；喻因事務而經常進出某個營運地點，尤指老闆。
示例3：
最近我請咗個伙記，水吧又得樓面都OK！
「開便埋便」都得真係好難得！有個咁嘅伙記，你「行開行埋」都得！
有人會把「死」理解成大局已「定」，所以「埋」可引申以下代詞：
定
廣東人會把「說不定」說成「話唔埋/講唔埋」。
豁達的人會認為人「死」後一了百了——無論什麼都會隨其離世而「了」結、「完」結，所以「埋」可引申以下代詞：
了；完
「食埋」啲隔夜餸指吃「完」這些隔夜飯菜；「心都噏埋」（「噏」的本字是「悒」）指也憂鬱不安「了」。
