冇諗過做KOL
眾所周知,就算戴耀明有女朋友,亦不避忌稱視佘詩曼為夢中情人,不過最近他「移情別戀」,公開向陳曉華「示愛」。他坦言最欣賞陳曉華努力演戲及「唔扮嘢」。問到若有機會跟兩人演情侶?最想演什麼角色?他說:「因為阿佘俾人感覺係好有氣場嘅女人,我會揀一個市井之徒遇上一個女強人,最後呢個市井之徒做咗一啲好偉大嘅事情,感動到呢個女強人。如果係陳曉華,我會揀做一個江湖大佬遇上一個純情小花貓,呢個江湖大佬面對小花貓時變得束手無策,俾呢隻小花貓馴服咗。我相信反差愈大,觀眾會鍾意睇。」
不少藝人轉型做KOL,更會在YouTube開頻道拍短劇,做得有聲有色。不過戴耀明從未想過,就算有機會自編自導自演做男主角,他暫時亦不會考慮:「我份人好衰㗎,你可以話係懶惰。我好鍾意隨心做一啲事情,如果要規定我去為咗某一啲嘢而要好規律經常去做,可能久而久之就會想放棄。」