表現大跌Watt 哥帥親證獲加要求離隊

  英超褪色班霸曼城近期狀態稍見回升,昨晨於英足盃第三圈更大炒沙福特城8蛋,不過,今場卻不見主力右閘基爾獲加蹤影。賽後,曼城主帥哥迪奧拿解釋,原來這位34歲英格蘭國腳突然心有去意,有意離隊向海外發展,哥帥也表明無意阻撓。

  近期在球隊失去了正選位置的基爾獲加,原以為在英足盃有望重返正選,最終卻不在正選或後備名單,哥帥指出:「佢兩日前去見咗總監(碧格列斯坦),查詢離隊去海外落班嘅可能。如果呢幾年冇咗獲加,我哋根本唔知點算,佢係我哋主力右閘,畀到球隊唔同元素,但依家佢想喺合約期最後一年出走到海外。」有傳獲加正被沙特球會垂青。

  獲加於2017年由熱刺加盟,至今7年間為球隊贏得包括6次英超在內的17個冠軍。可是,這位英超最高速之一的球員,今季表現明顯下滑,曼城在其上陣賽事只得18.2%勝率,反而在其缺陣下,勝率急升至64.7%,亦因此其位置正逐漸被小將歷高利維斯搶去。

  當被問到會否滿足獲加離隊請求,哥迪奧拿回應:「當然,我唔係話佢已經會走,根本大家都唔知確實情況;但我真心相信假如個球員唔想踢,就好難再會交到貨囉!」