黎寬怡2月辦婚禮 男友過大禮做到足
香港文匯報訊（記者 梁靜儀）《東張西望》嫁女，黎寬怡（貓仔）與拍拖多年的攝影男友Sing感情穩定，兩人將會在2月舉行婚禮，早前進行過大禮儀式。雙方都是教徒，但納徵儀式做到足，枱上擺滿龍鳳嫁囍禮餅、大對龍鳳鈪、鮑參翅肚及八大精美禮籃。
身為長女的貓仔說：「因為我係大女、我未婚夫Sing都係大仔，從未幫手做過過大禮，過大禮需要嘅物品連利是封點用都唔識分。所以全靠經驗豐富嘅Wedding planner 同埋過大禮公司協助，教Sing點準備同埋帶齊工具幫手擺靚啲過大禮用品，才有咁靚咁得禮嘅場面。
她形容由房間行出嚟嘅一刻，真的有被震撼到：「第一次俾咁多禮物包圍，真係好驚喜、好意外！爸爸媽媽都極為滿意，媽媽見到啲布置之後，興奮到立即換咗件靚衫出嚟打卡，而一向內斂嘅爸爸仲開心到一直幫我哋影相同拍片。」
她謂好開心見到父母兩個笑到見牙唔見眼，有大家一齊見證着我們兩個呢個幸福時刻，真係好幸福。她表示接下來忙於籌備2月舉行的婚禮。
