阿嬌打回「圓」形 阿Sa「撐」開心就得
預告包場請朋友睇《祥賭必贏》
蔡卓妍（阿Sa）、張繼聰、MIRROR成員邱士縉（Stanley）、吳家忻與朱栢康（朱康）等，前晚出席賀歲片《祥賭必贏》宣傳活動。提到好姊妹鍾欣潼（阿嬌）早前於巡唱被拍得身形又發福，阿Sa即力撐阿嬌現時開心又健康。
阿Sa透露於《祥賭必贏》飾演病態賭徒，與不愛賭博的阿聰一見鍾情後閃婚，所以要隱藏賭癮：「收到劇本覺得正，我本身唔鍾意賭錢，但會打麻雀。我唔熟玩啤牌，所以要苦練。」又指跟一班演員有共同朋友，故打算包場請朋友睇戲。她透露Twins完成世界巡唱後，患上「煞科症候群」，完騷後便病倒：「啱啱新年要出席好多派對同生日會，連聲都沙埋，依家咳得出痰，把聲已好番好多。」
提到有網民指阿嬌於巡唱時身材發福，阿Sa力撐好姊妹說：「開心健康就得，佢依家健康開心。（有網民話阿嬌跳舞好Hea。）攰啫！」問到阿嬌感情生活如何？阿Sa說：「咁大個人啦！（你感情生活呢？）自己有分數。」
阿聰表示拍《祥》片結局很開心，後期更有點「暴走」：「呢部片係只此一家嘅破格電影，農曆新年會約埋阿Sa一齊謝票。」對於另外有兩部賀歲片上映，問到可有票房壓力？阿聰坦言最好一齊票房大賣，希望來個Crossover謝票，最理想是與所屬公司老闆古天樂的新片《臨時決鬥》一齊謝票。
飾演中韓混血兒的朱康笑言從小到大都被指似日本人、韓國人，甚至蒙古人，但就不似香港人。問到似韓國人可會增加桃花運？他坦言想，因自己單身了六七年。問到可會考慮追求剛和百億富三代男友馬桂烽分手的吳家忻？朱康笑言：「可以呀！」而吳家忻表示現時心情OK，朱康即搞笑稱：「可以同佢談戀愛，同佢一拍即合。」
提到吳家忻在社交網分享躲在枱底食提子的片段，她解釋是西班牙傳統，於晚上12時正躲在枱底食12粒提子，以及着不同顏色的內褲就可以夢想成真：「我着咗黃色內褲，求事業同金錢。」問到為何不求姻緣？朱康搶答：「佢已經求到我啦！」吳家忻讚朱康穩重、風趣、搞笑及識演戲，記者笑指兩人年齡差距甚遠，朱康說：「咩世紀呀？成年就得啦！」
