翠如讚老公體貼 做家務零怨言
黃翠如昨日挺孕肚到荷里活廣場出席活動，她笑言全身只有肩膊最瘦，問到上圍升Cup多少？她說：「我冇度，我只係度過肚圍，依家已過咗90cm，好開心。我好鍾意對住塊鏡揭起件衫欣賞個肚，覺得好圓好搞笑。」
翠如透露現時偶然會抽筋，老公蕭正楠會為她按摩，大讚老公體貼入微：「佢好好，因為我哋冇工人姐姐，佢要出去做嘢，又要做晒所有家務同煮嘢畀我食，從來冇呻辛苦。有日我去超市，佢返屋企砌床，砌到隻手損晒，佢同我講『我今日真係太辛苦，可唔可以讚吓我』，我話『你真係好叻，不如下次搵個師傅，我哋一齊行超市』。」問到現時懷孕周數及預產期？翠如不肯透露，因長輩教她少講為妙，免給BB壓力。再問選擇開刀還是自然分娩？她說：「醫生話BB個頭偏大，有機會開刀。」她又稱未必搵人拍大肚寫真，可能自己與老公蕭正楠操刀。
