陳家樂支持追夢 連詩雅暫緩添丁
香港文匯報訊（記者 梁靜儀）新手媽媽連詩雅（Shiga）、譚輝智、麥玲玲及梁浩賢昨日出席商場活動，玲玲姐又即場教大家擺年花催旺桃花及財運。
問到Shiga今年可想再添丁湊成個「好」字？她坦言見到活動上的靚仔小男孩都想要個仔：「咁快，要遲少少先，難得𠵱家瘦返少少，都想工作儲吓錢先，又想出新歌及開騷，所以最近好努力學跳舞及跑步，稍後又會跑馬拉松10公里，希望快啲進入返狀態，所以都有同老公陳家樂一齊練跑，始終生完BB好傷身。」
身穿貼身裙的Shiga身形甚弗，不過她卻嫌體重未回復當年，尚差兩三公斤要減，始終仍要餵母乳，但都可接受，最重要的是身體機能恢復。問到老公可捨得她出來工作？Shiga指老公都支持她追夢：「老公知我鍾意工作，明白我仲有好多夢想要追，佢覺得兼顧得到就可以。」她又說現時買衫給女兒多過買給自己，所以都想賺錢幫女兒裝扮，老公就負責供書教學。Shiga笑言去年佗住女兒時，已幫她收利是及幫開戶口儲起利是錢，打算儲到11歲一次過轉入戶口。她表示今年第一年同女兒過農曆新年，屆時都會兩家人互相拜年，而且老公的妹妹新年前生BB，估不到女兒如此快就做表姐。
談到工作時，Shiga坦言想拍戲，問到可會夫妻檔拍戲？她說：「如果演情侶又好奇怪，佢睇住我同人哋演情侶又好奇怪，分開拍好啲，但冇話唔想嘅，如果有好有趣嘅角色，例如我做佢後母，搞笑嘅都OK。」
輝智昨日唱歌助興，吸引不少粉絲到場支持，除了唱歌，輝智又與小妹妹一齊玩遊戲，更抱起對方影相。輝智坦言喜歡女生，因為女生比較嗲：「我個仔又獨立，個女就比較黏我，所以鍾意女兒多啲。」談到農曆新年，他表示都想一家去日本旅行。近日輝智忙於為TVB《萬千星輝賀台慶頒獎禮》綵排，可能要表演跳舞，他笑言一向對跳舞都沒太大信心，但現時已沒有比賽時那麼驚。
