李思捷 麥長青殺入樂壇爭獎
中佬男團Hey Brother處男演出
由李思捷、麥長青（麥包）、黃智賢、曹永廉與唐文龍組成的5人男團Hey Brother，合共年齡超過280歲，不過他們人老心不老，依然對音樂充滿熱誠。昨日思捷與麥包出席活動時，笑言打算殺入樂壇爭獎，麥包更指樂壇欠思捷一個交代。
李思捷、麥長青、車婉婉與張馳豪等昨日到荃灣出席《慈善星輝仁濟夜》記者會，提到思捷、麥包與黃智賢、曹永廉、唐文龍組男團Hey Brother，將會在節目中作第一次演出，思捷指眾人年齡加起來超過280歲，自嘲「發老姣」。麥包則指大家組男團只求開心，除了會出新歌，更計劃拍電影：「男團已經講咗兩年，要等埋思捷『入五』，唔係唔夠老餅。其實曹永廉都已經『登六』，不過佢個樣就最後生。」
兩人笑言Hey Brother打算進軍樂壇爭獎，提到思捷經常模仿巨星唱歌，更似模似樣，可覺得樂壇欠他一個交代？麥包笑言：「梗係啦，佢咩歌手嘅歌都唱過晒。」「扮嘢王」思捷則說：「可能就係冇自己嘅歌，冇自己嘅風格。」
張馳豪為音樂劇留鬚
思捷透露最近腰骨痛，面部更紅得一撻撻：「十幾年前試過坐骨神經痛，痛咗半年，仲成個星期行唔到。最近扭一扭條腰，所以依家要慢動作好好保護條腰，表演嗰陣跳舞就冇問題。皮膚一撻撻係因為我面皮薄，微絲血管爆裂，已經醫咗幾個月，依家日日都用蘆薈敷面，已經好咗好多。」
車婉婉與張馳豪除了為節目表演外，更會落區進行探訪，車婉婉說：「有個受訪者因為意外，卅幾歲就癱瘓，探訪完之後覺得自己好卑微，亦好幸福，所以唔好將啲小事放到咁大，望吓人哋要解決幾大件事。」張馳豪透露為音樂劇留鬚，以新形象示人。
