後備更醒神 比爾領太陽反彈
NBA實力分子太陽今季戰績不似預期，「三巨頭」杜蘭特、迪雲布卡與比爾的化學作用始終未如理想，主帥保丹賀沙在昨晨作客76人之戰中，決定將比爾調任後備，結果這位三屆NBA全明星後衛反而打出爭氣波，攻入全隊最多的25分，帶領太陽以109:99反勝，終止了4連敗。對於有關被交易傳聞，比爾一於少理，強調會服從教練指示，但堅信自己是正選級別球星。
連同昨日勝仗，太陽至今僅得16勝18負，勝率未及五成，暫時排在西岸第12位，要爭逐附加賽席位亦未許樂觀。隨着近日有關熱火願意以占美畢拿作交易，有指太陽是其中一支感興趣球隊，而比爾或會成交易籌碼。對此，比爾表示：「我未聽過喎，如果係真一定要畀我知，因為我有王牌（交易否決權）。」
在NBA打滾13年，今場是其近9年來首度被放在後備席，比爾只冷靜回應：「教練做決定，我唔會去拗。我唔係唔尊重任何人，但我深信自己係正選。」消息指，比爾只願意為轉投快艇、湖人、熱火或金塊去放棄交易否決權。
