雙紅會失分 史諾死撐阿諾特
英超「雙紅會」昨晨再演精彩對決，最終雙方打和2:2，主場出擊的利物浦痛失兩分，錯過拉開榜首領先優勢機會，不少網民球迷都直指「紅軍」失分源於右閘阿歷山大阿諾特受到轉會皇家馬德里傳聞影響，表現低迷甩漏多，但利物浦主帥史諾卻力撐愛徒，強調阿諾特失準只因對手太強。
「紅軍」今場兩記失球都在右路出現，阿諾特的失位成為罪人。事實上，這位將於今夏約滿的英格蘭國腳，今場合共錄得27次失掉球權，全場5次對抗零成功，兩次被扭過，表現不濟。對於阿諾特的差劣表現，球迷認定與皇馬以2,000萬鎊斟介有關，但史諾卻說：「你問10個人有9個會話關（皇馬斟介）事，但我係第10個，我認為真正原因係佢要防守嘅係般奴費南迪斯同達洛治，兩個高質素嘅葡萄牙球星，當佢哋有貨交，就好難守住。」
另邊廂，曼聯終止了4連敗走勢，若非哈利馬古尼完場前一刻近門射高，「紅魔鬼」甚至有贏波機會，對此，般奴費南迪斯說：「呢個係好戰果，我哋幾乎贏埋。但我唔開心，因為我哋可以對住利物浦踢到咁，點解唔可以個個星期都做到。」
