陳山聰想同發哥鬥跑
陳山聰、陳瀅與朱敏瀚等昨晨在無綫高層樂易玲帶領下，到港珠澳大橋（香港段）參與2公里賽事。山聰笑言想跑足全程，因2公里對他而言實在太短：「真係濕濕個口都唔夠，未熱身就完。」他指去年曾報名與周潤發跑半馬，但因要開工未能出席：「我私下同發哥跑過好多次，發哥好好，我叫佢周老師，因為一齊跑時佢教咗我好多嘢，希望喺賽道上可以遇到佢。」提到好友胡定欣拍拖，是否少了跑步？山聰說：「要甜蜜下，不過佢好努力做運動，我哋食過飯。（向定欣催婚？）催緊，新年新願望，叫佢快啲請飲。」
剛從溫哥華返港的陳瀅笑言放假都是飲飲食食，沒時間做運動，熱身時因太久沒運用肌肉，被朱敏瀚取笑：「去咗兩個禮拜，不過又冇肥到，我定咗2025年新目標，就係做健康嘅人，要食得健康啲、做多啲運動同早睡早起。」
