大帝40歲首騷敗陣 豪言可打多5至7季
NBA「不老大帝」勒邦占士昨晨完成了他踏入40歲後的首騷，最終湖人主場以110:122不敵其母會騎士，但其穩定發揮仍獲騎士主力米切爾大讚，後者也強調會以占士為目標，望能複製占士在2016年率領騎士奪冠壯舉。
占士在本周一度過40歲生日，成為了聯盟史上首位由青年時代（19歲以下）到40歲以上都有出賽球員。占士昨仗發揮平穩，攻入了23分，隊友奧斯甸李華士更交出35分8籃板10助攻「準三雙」，無奈湖人仍不敵聯盟「一哥」騎士。占士在生日後曾經受訪，提到自己球員未來：「可能好奇怪我會咁講，但只要我想，我仲可以喺高水平打多5至7季。」
湖人今季暫時成績18勝14負，在西岸排名第7，占士表示：「我哋依家有支好球隊，係有機會同任何球隊競爭。係咪有力奪冠？依家未係，但就代表住我哋有進步空間。」而騎士主將米切爾則說：「佢（占士）到依家仲打緊高水平，已經40歲喇，我對佢只有最大尊重。我由細到大都係騎士球迷，我希望可以好似佢咁，為克里夫蘭帶來冠軍。」
