譚俊彥讚薇薇夠旺 想再贏視帝
合唱《明天會更好》迎新一年
譚俊彥與林夏薇曾於《萬千星輝頒獎典禮2021》膺視帝及視后，前晚兩人於倒數活動中合唱，譚俊彥坦言很想與林夏薇合作拍劇，全因為試過一齊攞視帝視后有關：「因為佢旺我囉！」問到是否想再贏視帝？他坦言：「希望可以有好成績！」
視帝譚俊彥、視后林夏薇、《中年好聲音》歌手周吉佩（吉吉）、龍婷、顏志恒、支嚳儀與譚輝智等，前晚參演無綫跨年騷《福佑香江同心邁向2025》，譚俊彥與林夏薇合唱《明天會更好》祝福全世界。已第3年出席同一活動的譚俊彥表示：「我記得同薇薇攞獎（視帝視后）嗰年，又係播緊韓劇《魷魚遊戲》，嗰年我向大佛許咗個願，開開心心咁啦。今年我都會許願，但許咩願就唔講喇。」問到是否想再贏視帝？他坦言：「希望可以有好成績，同埋可以世界和平。」
薇薇稱難得可在寶蓮寺這個聖潔地方迎新年，故圈外老公亦有同行。譚俊彥則大呻本想帶家人一齊迎接2025年，可惜囡囡患上流感，不過會與囡囡視像一齊倒數。
問到新一年寄望？薇薇回顧往年除演藝事業有新突破外，更成立自家鑽飾品牌，希望新一年繼續有新嘗試。譚俊彥則稱想和薇薇合作拍劇：「之前我許願同佢拍劇，就拍咗《尋夢琴澳》，但對手戲唔多。都講過好多次想合作，希望新一年有機會。（點解咁鍾意同薇薇合作？）因為佢旺我囉！好嘅拍檔就似跳舞咁，會碰出好嘅火花（因為試過一齊攞視帝視后有關？）梗係啦！最希望新一年所有香港人都開心。」
周吉佩視顏志恒為父親
吉吉表示特別選唱新歌《第三人生》送給大家：「寓意大家2025年有個不一樣人生。」顏志恒透露除唱《心經》外，又會唱稍後推出的首支個人單曲《浴室歌王》：「我好緊張，尋日綵排咗一次，自己又喺屋企練，不過有觀眾在場係唔同啲，始終係個人單曲，所以畀自己壓力好大。」吉吉透露與顏志恒老友的原因：「佢同我老竇同月同日生日，我對住佢有爸爸感覺，參賽時又『談育嬰』，所以特別投契。」
