【豐力深作】神馳必拚無疑
黃子豐
馬其實邊個唔識度，我識得嘅馬迷朋友，唔知幾多日刨夜刨睇賽事片段嘅時間多過好多評馬人，邊隻馬邊埸跑得好，邊埸被困，跑得唔好，全部有曬紀錄，但事實上，馬嘅狀態其實同人一樣，佢幾時FIT，幾時唔FIT，幾時係谷行料， FIT到爆炸， 你就咁睇佢，係咪真係睇得到呢。其實如果一個人類運動員，喺你面前行過，又或少跑幾十米，你判唔判斷到佢有幾FIT呢？但係身體機能其實係好科學性嘅，而家好多先進嘅科學儀器，其實已可以透過多方面，清楚檢查出運動員嘅體能，包括驗下血，檢查下肌肉復原成點，所以當你做完各項檢查後，其實呢個運動員有幾FIT，根本喺數字上可以反映出嚟。而馬其實亦一樣，我地作為局外人，冇辦法攞到好多資訊，唯一可以估嘅，就係從飛數方面落手。因為馬場本來就係金錢遊戲，一啲掌握資訊嘅人，賭錢自然叻啲，圈內人知多啲係好正常嘅，所以，以後呢個專欄，我會用我過去嘅睇飛經驗喺度同大家分享點樣睇飛，篇幅有限，今日唔點講馬，畀兩隻心水「神馳」同「手機錶霸」就算。
