陳凱琳擬開製作公司 搵老公響頭炮
衛詩雅素顏拍戲 累化妝師捱鬧
陳凱琳（Grace）自離開無綫後轉做KOL，做得有聲有色！她透露最近自編自導自演短片，希望帶給觀眾新鮮感。她承認想過開製作公司，若真的成事，為求打響頭炮必定叫老公鄭嘉穎演出，但就盡量避免叫三個囝囝出鏡。
衛詩雅與陳凱琳昨日出席美容頒獎禮，Grace透露近期喜歡拍創意短片：「生完小朋友後，自己都有諗下一步點做，試過花心思構思一啲廣告片同自己個人短片，得到讚賞，都想向呢方面發展。」她稱最近自編自導自演了一條短片，要扮演4個角色，髮型、換妝一腳踢，希望能給觀眾新鮮感。問到會否操刀幫老公鄭嘉穎拍片？她笑言：「老公都係想拍劇，不過佢有畀意見，話觀眾會想睇我做番自己。」提到她之前找龔嘉欣拍片，Grace笑言已邀請衛詩雅合作演出，並已想好簡單劇本。
衛詩雅自誇美容達人
問到有否想過開製作公司？Grace承認想過，但暫時只得她和一位攝影師，若成立製作公司，頭炮會找老公演出，並由她負責拍攝。再問會否讓三個兒子出鏡？她坦言會盡量避免：「因為大仔開始讀小學，會有自己嘅社交圈子同學習環境，所以唔想影響佢，由佢自己選擇。」不過她指細仔未夠兩歲，希望多花時間陪伴成長：「所以拍劇嘅話，要等囝囝大啲先考慮。」
衛詩雅笑言有護膚心得，加上未婚夫是醫美醫生，自誇是美容達人：「隔籬嗰個（未婚夫）係最高指標，我都有一定壓力，有時情深對望，佢就眼定定望住我話點解多咗條紋，所以近來幾忙謝票都有做護膚療程。」她笑言自己皮膚好夠水潤，可能主演電影《破·地獄》票房衝破6,500萬元，令到心情好更容光煥發。她透露拍《破》片時沒化妝出鏡，就連導演陳茂賢都不信，罵化妝師為何替她上妝，結果要用紙巾抹她的臉來證明沒上妝，最後導演要求她畫深黑眼圈顯憔悴才可演出。
提到老闆楊受成笑言加導演酬勞加到破產，衛詩雅笑言看報道後得悉老闆送了一層樓給導演，由於老闆之前已送鑽石鍊給她做嫁妝，故再沒奢求，只希望公司繼續開戲給她，因為拍戲是她最開心的事情。
