開季9連勝 騎士沒法擋
新帥艾堅遜寫隊史紀錄
新季NBA開賽兩個多星期，令人意外現時在聯盟獨佔鰲頭的竟是陣內星味普通的騎士。連同昨晨作客以131:122力克塘鵝，騎士開季至今寫下9戰全勝佳績，是全聯盟唯一不敗球隊，更寫下隊史創會55年的最佳開季紀錄。新帥堅尼艾堅遜名不見經傳，過往帶隊戰績一般，但今次領軍的神級發揮，他指要多得隊員上下一心與打法多變。騎士明晨將於主場迎戰來勢洶洶的勇士，好戲咪走雞！（NOW 642台周六8:30am直播）
於1970/71球季創會參戰NBA的騎士，隊史之前的最佳開季成績是8戰全勝，當年由主帥比爾芬治帶隊，該季最終戰績是43勝39負，而現任主帥艾堅遜也深明前路難行，坦言今朝有酒要今朝醉，在更衣室與隊員瘋狂慶祝，被球員以冷水淋頭：「球季漫長，要贏冠軍真係好難，所以話當你遇到依家個情況，就梗係要好好慶祝吓啦！」
艾堅遜成為了NBA史上首位接掌帥印後全勝頭9戰教頭，但翻查資料，這位57歲教頭過往僅有4季是坐正教波，均是帶領籃網，也僅曾在2018/19球季領軍取得42勝40負的正數勝仗球季，而對上4年，他也只是在快艇或勇士出任助教。
騎士在昨仗投射命中率高達54.2%，當中包括了48.6%的三分球命中率（35投17中），而今季該隊平均投射命中率更高達52.6%，是聯盟最佳。對於今季佳績，艾堅遜指出：「係所有人功勞，我哋體能同心理都好好，當你取得9連勝，唔會係靠一兩個人，而係全隊都有貢獻。」
騎士陣內缺乏頂級球星，5次入選明星隊的米切爾已是首席戰將，這位身高僅6呎3吋的28歲得分後衛今場攻入29分是全隊最多，而另有5位球員得分達雙位數。米切爾表示：「我哋打緊好好嘅籃球，以不同方式取勝，可以大捷、險勝，甚至反勝。我嘅強項係穩定，希望呢隊波都一樣穩定啦！」
強強對決 明撼勇士
騎士明晨將會於主場迎戰勇士，後者正是現時NBA最長開季連勝紀錄保持者，在2015/16球季造出開季24連勝。勇士昨晨亦奮勇作客以118:112打敗衛冕的塞爾特人，開季至今8戰7勝1負，戰績突出。明晨與騎士對決，是兩支大勇球隊碰頭，必會擦出火花。
