廖子妤獲讚演技突出 馮允謙氹鄭丹瑞唱Rap
香港文匯報訊（記者 子棠）鄭丹瑞（旦哥）、廖子妤及馮允謙（Jay）及盧慧敏（Amy）合演的電影《得寵先生》，將於11月7日亮相「HKAFF香港亞洲電影節2024」，並於28日正式上映。早前一眾台前幕後和狗演員舉行開鏡拜神儀式，風趣幽默的旦哥與一眾年輕演員打成一片。廖子妤爆料在拍攝現場播旦哥其中一首名曲《留給最愛的說話》，並很期待旦哥現場演繹歌中的讀白，可惜旦哥不肯。唱家班Jay說：「旦哥好鍾意聽Jazz，等埋位就唱，我好想同佢Jam歌。我知道旦哥出過歌，聽講係香港第一代Rapper。」旦哥1993年推出歌曲《那夜我替女兒「R」背脊》，街知巷聞。旦哥說：「我查過Rapper意思，即係『數白欖』，我係第一代『數白欖』，你哋摩登啲咪叫Rapper囉。」他更即興以羅文和鄭少秋腔做示範。
廖子妤大讚旦哥：「佢好肯教新人，成日請我哋飲咖啡，太多優點，我真係唔想離開個劇組。雖然同旦哥合作壓力大，但又好易入戲，佢真係畀到我『爸爸』嘅感覺，戲中父女關係有啲似我的真實故事，好容易投入到。」旦哥說：「佢投入到，我希望佢有80分，結果佢做到120分。」
風趣的旦哥扮惡樣，說：「呢部戲將真實嘅鄭丹瑞顯露出嚟，好赤裸，但好好，可以試一次咁樣做。好難得今時今日能遇到好劇本，我亦最開心遇到新導演，過去幾十年，好多貴人幫我。去到今日我覺得係時候幫得上、有需要我，尤其是電影，我就去幫。」
Amy坦言：「我最感恩係可以同有經驗嘅演員合作，學到好多嘢。」廖子妤鼓勵她：「你做得好好。」Jay說：「最難忘有一場戲我哋同Amy要搬運鐵欄，旦哥就問我一條IQ題，好好笑。」Amy爆料：「最搞笑的是到𠵱家，Jay仲未明白IQ題嘅答案。」
首度踏足大銀幕的Jay表示又緊張又興奮，並指感覺比預料中好：「雖然我唔係好多戲份，但都會無得瞓覺和好大壓力。我同Amy對手戲較多，同佢合作好舒服，佢無嫌我做得唔夠好，仲成日鼓勵我。」Amy受寵若驚：「我點會嫌你呀。」
