驚喜未婚夫變善長支持 衛詩雅公開放閃惹艷羨
香港文匯報訊 日前導演陳茂賢、演員衛詩雅（Michelle）、周家怡及梁雍婷（Rachel）現身海港城《破·地獄》電影劇照展現場，再次回味電影中多張精選劇照，三人大讚劇照師攝下一眾角色當下最真實的情緒。展期中還設有海報競投環節，所得之捐款將撥捐保護遺棄動物協會（SAA）。而眾人於活動後向慈善拍賣得主頒贈證明作親身答謝。
Michelle、Rachel與周家怡亦分享了在不同戲院的映後分享活動，收穫了很多感動的回饋。Rachel表示上周末一位白髮蒼蒼的女觀眾的分享讓她非常感觸：「婆婆話呢部電影喚起佢一啲記憶，療癒咗佢自身嘅經歷。佢講完之後，我哋才發現原來佢身後有七個兒孫同場陪佢一齊睇，大家都邊睇邊喊，令我覺得佢哋對某啲事情釋懷。」而家怡聽畢後亦表示：「觀眾需要喺咁多人面前，願意將自己嘅親身經歷，或者經歷緊嘅事分享出嚟，我覺得呢件事已經好感動。」
而剛出席完東京電影節回港的衛詩雅，分享日本觀眾同樣看得相當投入：「我初初有啲擔心，佢哋睇唔睇得明我哋嘅破地獄文化？好開心佢哋同樣被觸動，又睇到箇中意義，代表呢部戲成為世界各地嘅共通語言，以死亡帶出生命。」
而活動尾聲，衛詩雅未婚夫周祉安（Kenley）更驚喜現身，原來Kenley為支持Michelle新作及做善事，早前於活動網站上競投多幅電影海報，結果日前收到大會通知成功投得海報並邀請他親身到會場確認領取事宜。Kenley於活動後到達現場，低調為Michelle送上驚喜，原來今次同場更是一對準新人首度現身公開場合，令事前毫不知情的主創及工作人員大感驚喜，Michelle亦透露自己亦是出發活動前才得知，更笑言「估唔到會親自頒贈海報畀呢位善長仁翁」！Kenley對Michelle的貼心支持更被眾人大讚浪漫。
