回科隆踢告別賽 普多斯基感動落淚
今年的10月10日，39歲的普多斯基回到了德甲母會科隆，舉行他的球員生涯告別賽，多達5萬名球迷到臨歡送及向這位德國巨星致敬，包括前德國主帥路維、前德國國家隊隊友如曉姆斯、紐亞及梅迪薩卡等都有現身參賽，最終「普迪隊」（Team Poldi）以5:3打敗了「科隆經典」，普多斯基先後為兩軍披甲，更為球賽先開紀錄，完場後再接受全場球迷起立致意，這位「左腳重炮」也感動落淚。
於科隆出道，在拜仁慕尼黑開始名揚天下，之後輾轉効力過阿仙奴、國米、加拉塔沙雷及神戶勝利船等，最後在2021年回到他的出生地波蘭，加盟當地甲組球會扎布熱礦工，今季仍有為球隊在聯賽上陣10場入2球，但如今終作正式告別。
球員生涯獲獎不少，2014世盃冠軍是他的最大成就，也曾在2006年榮膺世盃最佳年輕球員，由18歲代表科隆完成個人德甲首騷，經過21年後，普多斯基終於告別：「球場上一切終於完喇，但我好肯定喺球場外仲會見到大家。咁多人嚟陪我度過呢個特別晚上，真係令我好感動。再次着起科隆波衫係我嘅榮幸，亦係我對呢個城市、球迷以至多年陪伴住我嘅隊友，最後一次表達對大家嘅愛。」
