收老闆鑽石頸鍊 衛詩雅懶理老公呷醋
日前關智斌於英皇期間限定概念店「0 e:ffect Concept Store」舉行《前面是新的歲月記得走下去》爆花彩膠唱片簽名會。簽名會前，關智斌跟衛詩雅快閃附近的英皇鐘錶珠寶店，將於明年2月舉行婚禮的衛詩雅順道看心水首飾，不過原來老闆楊受成早有準備，他說：「我買咗樣嘢送畀你做結婚禮物，但你一定要結婚嗰日戴，係鑽石！」
衛詩雅大呼感動兼多謝老闆，指鑽石頸鍊跟她的婚紗十分配襯：「我老公都冇送過咁貴重嘅禮物畀我。」楊受成笑言：「你老公會唔會呷醋先？」衛詩雅說：「唔理佢，唔理後果，哈哈！」楊受成又送了一塊算盤形的金牌頸鍊給關智斌，當關智斌發現金牌原來是金算盤時說：「老闆知我孤寒，知我喺度計數，哈哈！」
