狐狸迎打吡 大火焚「林」
讓二追三 激發雄心
英超第9輪周五晚獨腳戲，上演東米德蘭打吡，李斯特城主場對諾定咸森林。「狐狸」李斯特城捱過頭6輪災難開局，近期否極泰來，上輪半場落後兩球，下半場連下三城奇跡反勝修咸頓，激發全軍雄心！今晚重返主場迎戰森林，勢必乘勝追擊力爭3連勝。「狐狸」近4次英超主場對森林場場大交易，今仗睇形勢亦傾向合演對攻好戲，推介[2.5]大盤。（NOW 621台周六3:00am直播）
李斯特城近兩仗先後擊敗般尼茅夫及修咸頓，成功逃離降級區。37歲傳奇前鋒占美華迪越老越可愛，今季8輪聯賽都擔正，經常憑經驗幫助隊友，自己只完成9次射門，已經射入3球。爆發力雖不及全盛期，但仍然比很多英超前鋒快，而且技術、射術及大局觀更上一層樓。有傳「華Dee」踢完今季將會去中東掘金，絕對睇一場少一場，他本人亦極珍惜每次落場機會，難怪成為球迷至愛。
「狐狸」近期進攻表現大有進步，原因是「華Dee」身邊兩位年輕拍檔越戰越勇！20歲加納右翼法達胡及19歲阿根廷中場保拿洛迪都有飛躍進步，前者頻頻邊路發難為前線輸送妙傳，後者近3仗交出兩個入球及一個助攻，徹底激活球隊鋒線。不過「狐狸」防線一向欠穩，巨人中堅維斯達加特國際賽為丹麥出征又受傷而回，今場要養傷，攻得太急有後顧之憂。
森林箭頭基斯活特大勇
森林剛於周一晚主場力克水晶宮，聯賽榜升上上半版，同樣以良好士氣迎接今場打吡戰。新西蘭國腳箭頭基斯活特狀態火熱，踏入10月後兩場英超及兩場代表新西蘭踢國際賽，場場都有波入，成為球隊前線主心骨。森林踢法雖非全攻型，但作客打反擊一向威力非凡，今季英超4場作客兩勝兩和未輸過，而且場場有波入！今仗最強中場禾特普斯停賽期滿復出，有信心於打吡戰搶攻爭勝。森林近4次英超作客對「狐狸」，戰果分別為4:2、2:2、1:3、0:4，有贏有輸，但例開入球騷！
