李幸倪衰太認真 醒覺享樂重要
向中學生分享減壓心得
李幸倪（Gin Lee）、黎展峯（Andy）、曾傲棐（Arvin）及女團VIVA日前到卜維廉中學及何明華會督銀鿋中學，舉行「EEG x BlessVision School Tour 2024」。Gin分享如何面對逆境的心得，她自認做每件事都相當認真，但到頭來帶給自己很大壓力，故她認為工作時盡力，休息玩樂時都要盡情，才是平衡心理的最好方法。她又建議學生遇上問題要告訴家人，不要將心事「收收埋埋」。
一眾歌手先跟學生玩遊戲，Gin、Andy跟Arvin一隊，對戰VIVA一隊。Andy十分識做，知道Gin翌日推出新歌《可惜我們沒有》，於是將隊名改為「聽日出新歌隊」，順勢為師姐宣傳。他們由台上唱到台下，學生即乘機爭取合照，氣氛熱鬧。
今次歌手們跟「幸福傳聲基金會」合作，到各大院校唱歌表演，目的是為讀書壓力大的同學們打氣，更以自身經歷分享如何面對逆境。Gin自認對任何事都很認真，但其實會為自己帶來不少壓力，所以她認為「Work Hard Play Hard」非常重要，她說：「認真工作時就要全程投入，做完嘢返到屋企我會有個Me time，Me time你可以做啲伸展、影相、睇書、放空，搵一啲你喜歡同埋健康嘅小活動，等自己有個渠道抒發，聽音樂都係一個好好嘅方法。」她指家人永遠是最強後盾：「我覺得溝通非常之緊要，你要畀屋企人知道你經歷緊啲乜嘢，佢哋先可以知道點樣去幫你。」
Andy忠於自己
問Andy如果有人將他跟其他人比較，他會如何應對？Andy指最重要忠於自己：「就算身邊嘅人唔相信你都好，只要你相信自己，你就一定會成功。」至於Busking經驗豐富的Arvin坦言在街頭表演時，少不免被人評頭品足，但經歷多後，他自有一套自處方式：「一開始Busking會想迎合大家想要嘅形象，但消化咗，其實唱歌都係一樣表達自己嘅工具，發現最誠實咁樣做自己係最緊要。」
