魏浚笙拍動作片苦練拉筋
魏浚笙與鄧卓殷昨日出席腕錶品牌活動，提到型男彭于晏也是腕錶品牌代言人，魏浚笙笑言自己有勤練胸肌，希望不會拉低標準，同時為年底開拍的動作片做準備：「算係第一次正式拍動作片，有好多打鬥場面，畫面上好精彩，所以開始上動作班。」他苦笑稱最難是拉筋動作：「拍動作片要靚，原來唔止要夠力度，仲要動作較大，所以要多啲拉筋，不過我依家只做到半字馬，蜈蚣彈就冇問題。」
鄧卓殷自宣布與男友郭子豪訂婚後，一直未提婚禮日子，她笑言：「因為我哋都係『佛系』搞婚禮，推一步就行一步。」她透露決定明年中在港舉行婚禮，方便雙方親友出席：「婚禮唔會搞得太誇張，只想賓客有一個難忘同深刻嘅體驗，所以細節上仲未決定好。」
