詹天文愛Busking 張馳豪憶嫲嫲爆喊
「聲夢」歌手詹天文（Windy）與張馳豪（Aska）日前出席活動，Aska自彈自唱新歌《宇宙逃生口》，接着再唱孫燕姿經典歌《天黑黑》，他獻唱前感性說：「呢首歌我細個好鍾意，因為我同嫲嫲關係好親密，由細湊到我長大，再聽番有種特別感觸，希望今日嘗試感動大家，送畀大家《天黑黑》。」Aska唱畢返到後台終忍不住哭出來，冷靜一陣才說：「今日好大感觸，有啲失控。（掛住嫲嫲？）佢走咗6年，嫲嫲葬喺上海，因為重陽節要開工，所以提早去上海拜嫲嫲。」
Windy亦演唱兩首歌《麻煩彈開》及《風的形狀》，唱完後大叫好玩：「讀中學曾經同同學去海邊Busking，不過只玩過一次，頭先唱完歌回憶返晒嚟。」
