馮允謙自爆因衛蘭入行
香港文匯報訊（記者 阿祖）馮允謙（Jay）前晚在紅館舉行「the SOUNDTRACK of my LIFE馮允謙演唱會2024」第二場，陳健安、盧慧敏、雲浩影、岑寧兒、陳詠謙、江海迦和洪端珙等捧場。觀眾反應熱烈，跳唱快歌時，Jay一呼百應，觀眾紛紛站起來跟他一齊跳舞，之後唱慢歌時更揮動手幅和手機燈，encore時全場大合唱《一步一悔過》，Jay表示好感動。
第二場演唱會中，Jay換了新歌衫，他穿着西裝與星級和音團隊合唱《冬日寂寞考》，大展唱功後到台邊飲水抹汗，觀眾尖叫，Jay即帶貨演唱會版毛巾，全場爆笑。
表演嘉賓衛蘭（Janice）出場，全場歡呼，他們合唱英文歌《Like I'm Gonna Lose You》後，Jay自爆十幾年前因被Janice的歌聲迷住，決定入行做歌手，前晚終於在紅館合唱，夢想成真。Jay說：「Janice對我嘅音樂路向好重要，因為入行前我喺加拿大，睇電視見到Janice唱歌很好聽，後來知道佢好似我咁鍾意R&B，睇中文要睇拼音，當時就希望有一日可以同Janice同台唱歌。」之後Jay成為歌手，3年前他們終於合體，在九展舉行了兩場音樂會，之後Jay就好想喺紅館演唱會同Janice分享舞台。今次Jay再度夢想成真，Janice表示好感動，她對Jay說：「I'm so proud of you！我覺得你嘅聲音喺呢行係好獨特。No one can sing like you！」全場掌聲歡呼。
