演「衰家姐」挨駡當肯定 李玗蓁嘆未與廖子妤同場
香港文匯報訊（記者 子棠）21歲的李玗蓁與師姐廖子妤一同演出的劇集《十七年命運周期》正在播放，劇中飾演一名表面品學優異，實質心胸狹窄，更設局捉弄妹妹意外被車撞到入醫院的「衰家姐」，遭網民鬧爆其惡行。面對角色被聲討，李玗蓁直言：「愈鬧愈開心，感覺得到肯定。接到劇本時，並沒有擔心角色不討好，反而覺得有發揮空間，是一個挑戰。作為演員，因為飾演唔討好嘅角色而被觀眾討厭，都係一種肯定。其實見到有人鬧個角色，自己感覺有啲爽，哈哈。相信觀眾只係討厭角色，唔會討厭我本人。」
模特兒出身的她是余香凝和廖子妤的同門師妹，問到有否就角色問兩位師姐的意見？李玗蓁表示很可惜今次與廖子妤沒有同場合作的機會。提到今次拍攝的深刻場面，李玗蓁直言難忘拍攝喊戲：「有場戲係我向爸爸坦白自己設計害阿妹，嗰場戲由忐忑內疚不解同不甘，之後轉變到委屈同埋悔恨，好多唔同層次嘅情緒變化，比較複雜，同時轉變得又好快，現場拍咗幾個唔同嘅版本出嚟，喊到最後唔夠水分，淨喺得眼水喺眼眶打轉，感覺比較有挑戰性。」
