周吉佩預告半裸開騷 望實譚輝智海報操肌
《中年好聲音》冠軍周吉佩及《中年2》亞軍譚輝智出席「國慶75周年漁農美食墟」，二人獻唱新歌，吸引大批歌迷到場支持，現場歡呼聲不絕。吉吉透露最近積極備戰演唱會，每日都健身操肌。他笑言最難一關是要忍口：「今日入嚟美食墟表演，一邊唱歌一邊聞到啲嘢食好香，好辛苦。最近我戒口，開始食得好清，日日食雞胸同菜。」
問到是否會在演唱會騷肌演出？他笑言：「想個人firm啲，其實2019年為樂隊演唱會都操過一次，不過今次好多fans留言話要睇我六舊腹肌，我好大壓力，依家望住輝智演唱會張海報嚟操肌！（依家有幾多舊腹肌？）依家得幾舊……水咋，盡力啦！」
