同朱敏瀚關係？ 陳曉華：了解吓先
否認年底結婚
前港姐冠軍陳曉華（Hera）早前被傳與朱敏瀚秘密拍拖兩年，將於年底到外地結婚。一直未有回應的她前晚出席劇集煞科宴時全程春風滿面，雖然她否認結婚，但卻帶記者「遊花園」避談是否與朱敏瀚拍拖，她笑言：「未了解清楚，再了解吓先。」
郭晉安（安仔）、羅子溢、陳曉華、何依婷與莊子璇等，前晚到尖沙咀出席無綫劇《金式森林》煞科宴。如沐春風的Hera被問是否有愛情滋潤？她說：「因為煞科之後喺屋企瞓足12個鐘，所以變番青春、可愛、活力嘅我。（同朱敏瀚年底結婚？）梗係唔係啦！之前因為喺外地拍完嘢返香港就開始病，見到呢單新聞，都諗緊點覆，但係病情好嚴重，決定繼續瞓。（從來冇同朱敏瀚拍拖？）依家都係做嘢為先。（咁同佢係咩關係？）啱啱拍完劇，有時間都想了解吓身邊嘅人，了解吓。」
問到會否突然閃婚？Hera說：「一定唔會。（緣分到唔抗拒？）我一直都唔抗拒，雖然事業為重，但可以同步，只係未有緣分。（有咩擇偶要求？）我一拍劇就會消失，對於維繫一段關係都係麻煩。（朱敏瀚係你鍾意嘅類型？）未了解清楚，再了解吓先。（覺得佢點？）界定唔到佢係咩類型，監製教我有啲嘢唔可以睇表面，要睇得清楚啲。（你好似暈晒大浪？）點會呢，煞科我真係好開心。」
郭晉安為子女聯絡前妻
子溢表示剛入行時與安仔合作劇集《古靈精探B》，當時很想得到前輩的肯定，再合作轉眼已是十多年後。安仔則指子溢與以往有很大分別，現在會以不同角度觀察事物，感覺對方經歷了很多事情，並讚子溢是「AA級爸爸」，子溢笑言：「做爸爸壓力好大，返到屋企就唔係依家咁，笑容就冇咁親切，唔係慘，係要諗多啲嘢啫！」
提到安仔前妻歐倩怡早前自爆離婚後要獨力搵錢交租，揚言「好等錢使」，問安仔會否出手相助？他表示不方便回答有關對方的問題，但雙方仍會為子女問題而聯絡。他又稱已習慣新的生活方式，現在拍完劇會將重心放回自己的公司，好好學習經營之道。
