洪嘉豪稱從未送過鑽石給女孩
香港文匯報訊（記者 梁靜儀）歌手洪嘉豪與Serrini昨日出席珠寶故事展活動，二人在活動上示範以聲音導航分享與珠寶的故事，當中嘉豪深情聲演向結婚多年的妻子補回求婚的一刻。
嘉豪受訪時自爆看中一雙價值幾萬元的鑽石耳環，他說：「暫時唔捨得買，考慮開完騷買來獎勵自己，自己唔鍾意佩戴同款耳環，所以搵好友陳蕾提議夾份買，每人分一隻，但佢叫我唔好傻（驚同你戴情侶耳環？）佢應該係覺得我搵佢笨，識着呢啲朋友真係好，等我可以再諗清楚先買。」問到可有送過鑽石給女孩？他笑謂從未試過：「其實都好耐冇送過禮物畀媽咪，我經常都話鑽石與黃金都不及我一片真誠與真心。」
昨日大批粉絲到場支持嘉豪，問到有否收過粉絲送的鑽飾？不想粉絲破費的他說：「佢哋平時買演唱會票、CD已經好大支出，無條件支持已經係最好禮物，所以我叫咗佢哋唔好送禮物。」他表示粉絲現在會改送公仔、零食或一些手作小禮物給他。
