想買鑽石耳環 洪嘉豪搵人夾份
歌手洪嘉豪與Serrini昨日到啟德出席珠寶故事展活動，嘉豪受訪時自爆睇中一對價值數萬元的鑽石耳環：「暫時唔捨得買，考慮開完騷買嚟獎勵自己，自己唔鍾意戴同款耳環，所以提議同好友陳蕾夾份買，每人分一隻，但佢叫我唔好傻。（驚同你戴情侶耳環？）佢應該覺得我搵佢笨，識呢啲朋友真係好，等我可以諗清楚先買。」問到可有試過送鑽石給女孩？他笑言未試過：「其實都好耐冇送過禮物畀媽咪，我成日都話鑽石與黃金，都不及我一片真誠與真心。」
昨日大批粉絲到場支持嘉豪，問到有否收過粉絲送的鑽飾？ 他坦言不想粉絲破費：「佢哋平時買演唱會飛、CD已經好大支出，無條件支持已經係最好禮物，所以我叫咗佢哋唔好送禮物。」並指粉絲現時改送零食或手作小禮物給他。
