王汛文奪友誼小姐激動爆喊
15位候選港姐昨日獲安排與「最上鏡小姐」評判翁嘉穗、劉倩婷、陳法蓉、曹敏莉及朱凱婷見面，傳授選美心得。記者會上，佳麗投票互選「友誼小姐」，最終由（3）王汛文奪得，得獎後她激動爆喊，身旁的佳麗即上前安慰。王汛文受訪時表示：「其實呢幾日我都冇諗呢件事，因為唔想有期望同失望，坦白講好多佳麗都有可能會攞獎，不過頭先喺台上好開心同好感動。（覺得自己贏啲咩？）每個人都有優點，要睇大家對『友誼小姐』嘅定義係咩，可能我有呢種感覺，佢哋就揀我。」
提到以往友誼小姐甚少入三甲，王汛文說：「唔會，如果你係好嘅話，其實咩獎都會畀你！（咁你有冇信心？）睇當日嘅狀態，好嘅話都會有信心。」
