不二國度 深圳夾公仔天堂

香港仔 P06 2024-09-02
■周小姐與囝囝玩足一日，盡興而歸。
■周小姐與囝囝玩足一日，盡興而歸。

■不二國度店面闊落，零壓迫感。
■不二國度店面闊落，零壓迫感。

■巨型史迪仔只需39分已可換走，性價比極高。
■巨型史迪仔只需39分已可換走，性價比極高。

■店家門口正中央放置的星際熊打卡一流。
■店家門口正中央放置的星際熊打卡一流。

■大量奶龍公仔等大家夾返屋企。
■大量奶龍公仔等大家夾返屋企。

　　假期到深圳除了飲飲食食，亦有不少港客一家大細北上夾公仔。本報記者今次到訪位於筍崗商場萬象食家的夾公仔店「不二國度」，當日碰巧有港媽攜同兒子「探店」，夾得一大車戰利品換禮物，再在商場大擦一餐才結束一日行程，食買玩一Take過無難度！

　　採、攝：龍獅

　　近年夾公仔風靡很多學生及小朋友，已成不少年輕一代的熱門消閒活動，齊齊在網上鑽研夾公仔技巧。眾所周知，大家在香港的夾公仔店夾公仔有一定難度，出盡九牛二虎之力也未必有收穫。不過，自從捲起北上消費風潮，很多家長每逢周末、周日也到深圳勁玩，當然會滿足子女到夾公仔店「過手癮」的願望，享受夾公仔樂趣。

　　港深家長齊齊玩餐飽

　　位於萬象食家3樓的不二國度在2022年開業，裝修以橙色為主，店家的通道寬闊好行，公仔除了有近期大熱的奶龍，亦有史迪仔、蠟筆小新、多啦A夢等不同動漫人物，夾中一個公仔即得1分，讓大家夾公仔後儲積分，大大隻史迪仔亦僅需39分已可換走。客人以美團掃碼購買，¥139已可買到208個代幣，不少夾公仔機都是2至3個代幣可玩一局，難度普遍比香港的夾公仔機低，有網民指花費約¥100已可夾中6、7隻公仔，難怪除了港客，亦吸引不少深圳家長攜子女玩餐飽。

　　抓娃娃狂迷怒花¥900

　　早前本報記者在閒日傍晚到店亦見不少家庭客，港客周小姐與14歲囝囝前來，她透露二人家住九龍區，坐港鐵經福田口岸到筍崗。周小姐稱：「我哋第一次嚟，都係睇網上介紹，玩完覺得好好玩，相比香港啲夾公仔店呢度經濟好多，今次使咗¥200多啲。」母子二人在不二國度夾中十多個公仔，最終以積分換了便攜式水壺回港。周小姐續稱：「今次即日來回食完晚飯返港，咁啱暑假過嚟玩，之後有假期都會嚟，呢個商場交通方便又有配套，唔錯。」另外，店員李小姐透露，港客主要以家庭及情侶為主，亦有幾個女仔閨蜜前來，店家定時會更換夾公仔機的公仔款式，當中以家庭客消費較「鬆手」。她並稱：「客人多數都消費約¥200，過往都有客人最高消費約¥900。」她又稱，周六、周日最多港客，每日至少也有數百人。