胡美貽素顏拍節目 唔怕嚇走粉絲
何泳芍（Honey）、陳若思（Amber）、胡美貽（Nicole）及廖慧儀（Jessica）昨日宣傳即將播出的無綫真人騷《港女野人奇異記》，Nicole笑言：「拍嗰陣天氣溫差好大，朝早11度要着5件褸，但下晝就三十幾度，熱到除剩Bra Top，因為唔想孭太多行李，所以我啲衫褲鞋襪都係邊除邊掉。」
Jessica表示其中一個行程要跟海豚游水，之後再潛水，所以她與Amber預先考潛水牌，但游水機會不多，故只帶兩套泳衣。她們笑言今次拍攝豁出去，大部分時間都素顏上陣。問到可擔心零化妝會嚇走粉絲？Nicole笑言：「唔會，依家啲觀眾鍾意睇最真實一面。」
