捐300萬及拍賣名畫 梁朝偉助貧童追夢
梁朝偉與太太劉嘉玲昨日出席《鵬程奮進堅毅獎學金2024》頒獎典禮，偉仔致辭時表示很多兒童及青少年的家庭環境不佳，形容獎學金對得獎者有很大鼓舞，希望得獎者善用獎學金追夢。去年他亦有出席活動兼擔任頒獎嘉賓，眼見去年只有20位兒童獲獎，為使更多學童受惠，他除了慷慨捐出300萬元，更捐出私人珍藏的趙無極畫作做慈善拍賣，作為下屆獎學金經費。席間偉仔收到學童親自繪製的感謝卡，他即細心放入外套袋。
偉仔受訪時表示：「一直都有同負責嘅葉柏強醫生聯絡，透過佢了解唔同個案，每個個案都好難忘，多數係家庭環境唔好，有啲長期患病，希望透過我做一個帶頭作用，吸引更多人關注同支持呢班兒童。」問到太太可有拿私人珍藏拍賣？偉仔笑言：「暫時未，其實唔係一兩個人可以做得晒，希望社會上多啲人幫手，捐100蚊都好，集腋成裘。」
