愛華頓兩連敗降班格 莊家認輸提早派彩
英超愛華頓前晚作客熱刺狂吞4蛋，聯賽開季兩戰兩敗，勁失7球而未有入波，暫時位列榜尾，前景令人擔憂。來自愛爾蘭的體育博彩公司Paddy Power不知是為宣傳還是真有想法，昨日宣布將向所有押注愛華頓下季會降落英冠的注項提早派彩，為免彩民要浪費時間多等。
Paddy Power在其官方社媒X賬戶上宣布：「提早派彩！經過今日的慘敗，我們認為無謂浪費大家時間再等，我們會向所有買愛華頓降班注項，不論是單注或過關，網上或零售，不設上限，盡快派彩。」
「拖肥糖」今夏將中場重心阿馬度奧拿拿賣走，但未有補入具分量新兵，加上也擔心再因財政條例違規會被扣分，護級前景的確未許樂觀。愛華頓領隊戴治被指帥位漸危，對此他回應：「由我嚟到呢度第一刻，就知道係永無止境嘅挑戰啦！我哋賣走個日漸成熟嘅好球員，然後重新培養其他，呢個係呢間球會嘅現實。總有人問點解唔增兵？我會諗『想點呀，冇錢嘛』！」
