辦「運動會」與歌迷預祝生日 李幸倪玩「空中飛索」失威？
香港文匯報訊（記者 阿祖）8月26日是李幸倪（Gin Lee）的37歲生日，日前她跟歌迷舉行生日會，約兩百位歌迷踴躍參與。Gin Lee亦有落場挑戰跳舞及空中飛索，與眾同樂，其間她更拋出網絡金句，氣氛熱鬧又歡樂。
生日會以「運動會」為主題，原來全由Gin Lee構思，為了捉住奧運的尾巴：「延續奧運熱潮，同大家一齊做吓運動，健康啲，又可以同大家近距離接觸多啲，我覺得運動係好容易將人同人之間嘅距離拉近。」當日比賽項目包括踩單車、跳舞、射籃球、接氣球及空中飛索等。一眾歌迷積極參與，Gin Lee亦有落場挑戰跳舞及空中飛索兩個項目，其中空中飛索一項，需要坐在座位上沿着鋼索飛到盡頭，然後用腳撐牆回彈，不過Gin Lee嘗試了多次卻未能成功回彈，更拋出網絡金句：「你個嘢壞咗呀！」引來全場大笑，當她再次挑戰，過程中她由頭尖叫到尾，成為「丹田吶喊界代表」。
誓與歌迷共同成長向好
切蛋糕前，Gin Lee分享這一年來成立歌迷會的點滴，她答謝歌迷說：「話咁快就一年，我記得上年嘅生日會，我宣布會成立官方Fan Club，於是我哋有咗『GLFC』。呢一年來真係一啲都唔容易，冇你哋嘅支持係冇可能實現到咁多唔同大大細細嘅目標，所以好多謝你哋。」她表示成立歌迷會，是想給歌迷最好的福利：「其實我十幾年前已經講呢個宗旨了，我嘅口號係『一起變好一起變老』，我希望繼續喺呢個『GLFC』嘅大家庭裏面，同大家繼續一齊成長。」
