科頓首奪球員先生
曼城4子入選PFA最佳陣容
英國職業球員協會（PFA）昨晨在曼徹斯特舉行了年度頒獎禮，上季實現了英超4連霸的曼城自然是大贏家，中場球星菲爾科頓首度獲選球員先生（PFA得年度最佳球員獎），以他為首的曼城4子則齊齊入選年度最佳陣容，不過相比聯賽亞軍的阿仙奴仍少了一人。至於獲選年度最佳年輕球員的高爾彭馬，雖然數據標青兼表現突出，但未能入選最佳11人也引發不少爭議。
菲爾科頓上季共為曼城在聯賽上陣27場入19球，其中更包括煞科日對韋斯咸的梅開二度，為球隊鎖定冠軍，最終他力壓其餘5位候選人包括隊友夏蘭特、洛迪卡斯簡迪、阿仙奴中場奧迪加特、車路士前鋒高爾彭馬及阿士東維拉前鋒奧尼屈堅斯當選。
24歲的科頓領獎後表示：「獲得同業嘅認同代表一切，呢個獎真係好特別，我感到非常光榮同欣慰。對曼城嚟講，上季係非常特別嘅一季，但我哋依家都只會專注喺未來取得更大嘅成功。」過去曾經兩奪最佳年輕球員獎項，科頓上季更拿下了英超官方年度最佳球員及足球作家協會最佳球員獎，可算是大豐收。
被問到他的成功之道，科爾透露了他的動力泉源：「每次當我着上波砵踩入訓練場，就會睇到牆上句說話『冇人試過贏取英超4連霸……暫時』，我哋想載入史冊，每日我都會諗『點解唔得？』。」
包括曼城的科頓、夏蘭特、洛迪卡斯簡迪及基爾獲加都入選了最佳陣容，不過上季做出英超最佳防守僅失29球的阿仙奴，全隊卻有5人入選最佳11人，較曼城更多。其餘兩席則由利物浦中堅雲迪積克及維拉射手奧尼屈堅斯取得。
彭馬落選最佳11人惹爭議
至於上季初由曼城過檔車路士大爆發，全季在英超錄得22球11助攻的高爾彭馬，雖然當然了最佳年輕球員，卻未能入選最佳陣容。不少網民對此都有疑問：「入球/助攻全英超最佳都冇份？」
