夥林德信夾Band 江海迦曾是「Rock妹」
香港文匯報訊（記者 子棠）江海迦（AGA）日前在深圳完成《AGA ONEDERFUL LIVE》內地巡演第四站，開騷當日下起連場大雨，不過無阻粉絲熱情，容納9千人的場館全場爆滿；AGA更邀得林德信（Alex）擔任表演嘉賓。
為了深圳站演出，AGA特別準備兩套火紅色高衩長裙及全白色海浪長裙由外國空運到場作新戰衣，又邀請了相識超過10年的好友Alex現場合唱一首英文歌。說起二人相識經過， AGA自爆：「其實我曾經都係一位Rock Girl，幻想唔到吧？我見到大家腦海好多問號。我入行前玩第一隊Band嘅原因，就係因為Alex拉我入去，所以度過咗一段用搖滾音樂表演嘅時間。Alex亦畀咗我好多鼓勵，令我鼓起勇氣踏上創作嘅道路。Alex係我音樂事業中好重要嘅一個人，所以好多謝你，好開心可以喺今場邀請到你做嘉賓。」Alex補充說：「有一晚我喺Music Bar同朋友Jam緊音樂，突然之間聽到後面有個唔識嘅女仔彈住琴唱歌；然後我擰轉頭，見到『咦，靚女嚟㗎喎！』我就係咁認識咗AGA，然後我哋好快組咗隊Band。」AGA又笑言，自己曾擔任Alex第一首歌的MV女配角，是有飯盒的特約演員，還打趣叫樂迷不要找來重溫，之後交舞台給Alex獻唱其父親林子祥的一曲《敢愛敢做》。
AGA當晚亦首度公開演唱剛推出的新歌《DRUNK DIAL》，她說：「呢首歌係我七年前寫起，故事啟發自一位朋友飲醉酒後打畀朋友，而我每一次都會阻止佢。就係呢個原因令我有出歌和即將推出全新專輯的計劃。」同時舞台上熒幕播放出MV，讓樂迷同步欣賞。為感激樂迷無懼風雨入場支持，AGA為大家加送兩次加演。
