與無綫有感情 李佳芯「佛系」傾續約
李佳芯前晚出席商場活動為奧運健兒打氣，她笑言早前拍無綫劇《麻雀樂園》時有做運動：「因為要『游乾水』。」她自爆早前拍完劇到英國度假，問到是否兩個人去？她說：「一個人，我呢啲一人性格，要一個人先可以真正放鬆。雖然冇艷遇，但識到新朋友，大多數係女仔。」問到可有追求者？她笑言不察覺，又稱早前陪她到鴨脷洲食飯的男子並非新歡。
提到工作，她表示在事業上已很努力，但一切工作由公司安排，並稱將會和公司傾續約：「但我唔擅長傾合約。（有咩要求？）點解成日問我有咩要求？而唔係問公司有咩要求？我冇乜要求，因為唔係自己要求乜，公司就會畀乜，呢方面我都幾『佛系』。」問到可想轉公司？她說：「唔好咁講啦，我喺無綫12年都有感情。」
