王丹妮羅孝勇飛巴黎 瞓身支持港隊
王丹妮（Louise）與老公羅孝勇（Sheldon）趁有四天假期，即飛往巴黎首次親身欣賞奧運多項賽事，包括七人欖球、柔道、沙灘排球和游泳比賽。Louise興奮說：「人生第一次睇奧運真係感覺難忘，開幕禮雖然落大雨，但係都無阻觀眾同運動員嘅熱情。」
Louise笑言希望有多幾日假期：「上年年尾結完婚，都好似冇機會咁樣一齊出遊，所以今次Paris Olympics之旅，對我哋更有特別意義。Sheldon以前讀大學都有玩欖球同柔道，所以佢睇得特別興奮。我自己以前打排球，所以亦都好期待睇沙灘排球。但係我哋兩個最期待嘅一定係游水！能夠喺現場大聲支持香港隊，為香港隊吶喊助威，興奮心情難以形容，亦都希望香港隊可以繼續再創佳績！」
