洪嘉豪10月澳門開騷
香港文匯報訊（記者 梁靜儀）洪嘉豪昨日到尖沙咀出席活動，即場玩足球遊戲示範球技，由於天氣炎熱加上活動在室外舉行，工作人員即為滿頭大汗的嘉豪抹汗和補妝。
自小喜歡踢足球的洪嘉豪，因爸爸同樣是熱愛足球之人， 兩父子經常一齊去踢波 ，不過媽媽不喜歡他到球場踢足球，以致父母形成敵對。笑問到是否媽媽一早睇到他擁有唱歌天分，擔心他被踢波耽誤歌手夢。嘉豪說：「以前個年代踢波係曳，媽咪驚我會學壞，不過爸爸都識好多人會睇住我，現今踢波有很多資助，唔似以前我細個時嘅年代。以前曾經被睇中邀請踢區賽，不過媽咪就唔畀，唔簽回條批准。」
談到工作，他表示近日推出新歌《拜託》，這是完成演唱會後推出的歌曲，預計下年半也會出多一兩首歌，但就不會推出專輯。他又透露10月生日前夕會到澳門開騷，屆時將香港個唱的概念移師到當地，他笑謂這次可算是首次衝出香港開騷，都有點緊張。
