思浩封口唔講楊思琦 歐陽震華影視齊攻
歐陽震華前晚作客《直播靈接觸》，成為該節目的壓軸嘉賓。主持梁思浩透露二人認識全因歐陽震華的太太，因他18歲時已認識女方，自此成為好友。問到會否在節目中互爆黑歷史？歐陽震華向思浩說：「你夠膽講咩？得番兩個鐘你搵得切嘉賓做節目咩？大家都唔好將人哋嘅缺點放大，應該盡量睇人哋嘅優點。」思浩表示認同，並指歐陽震華沒有黑歷史。
提到歐陽震華轉投英皇娛樂，問到有何新工作？他坦言拍了40年電視劇，想轉換新環境：「冇出去睇過，就唔會知道TVB有幾好。依家電視同電影我都會做，但就唔會透露工作安排，係商業機密。娛樂圈有句說話，未收到首期都唔可以講。試過簽咗合約，講完後搞散件事。」此外，思浩對於楊思琦就其言論反擊一事，他表示不會再作任何回應。
