讚妻可製作社交媒體廣告「一條龍」 馬國明：她快可養埋我
香港文匯報訊（記者 梁靜儀）馬國明昨日出席首屆「香港好物節」啟動禮，他自爆受太太湯洛雯影響，近年愛上網購，最愛買工藝品。
馬國明表示以前很少網購， 近年受太太影響愛上網購：「又幾方便，網上睇完再去實體店買，慳好多時間，咁我又唔係富三代不用工作， 我鍾意買工藝品。我個人好老土，鍾意福祿壽擺設，不過係卡通版，（鍾唔鍾意多仔佛？）我未買，但阿媽屋企有，如果有朋友送我都唔抗拒。」他又謂太太平時買衫同飾物比較多， 但不算好瘋狂 ：「佢都會篩選過先買，都會幫我買，大家都知我對時裝，真係識條鐵咩！」現場有人讚馬明一身打扮靚仔 ，他表示現時都有同香港時裝設計師合作，對方又會贊助他服裝穿出席活動，他又可以鳴謝對方，互相幫忙。
他又大讚老婆賺錢有道， 一手包辦網上廣告：「佢近排喺屋拍社交媒體廣告，自己拍片、剪片、落字幕，燈都自己打埋，一手包辦，我真係好佩服佢，我都好想學，如果有社交媒體想搵我哋拍廣告都無問題，我哋可以自己搞掂晒，拍咩都可以，就嚟太太可以養埋我。（咁你有冇畀家用？）當然有，點可以唔畀，男人係一頭家嘅開支，我係好傳統嘅男人，唔慣食軟飯，佢成日都話我嘅錢係屋企嘅錢，佢嘅錢係佢嘅錢。」
