慶幸連結網絡時代
從街頭走上舞台，龍婷感恩碰上網絡時代：「好多鍾意拍片嘅人幫我做咗好好嘅宣傳，網絡上嘅視頻變咗我一筆好大嘅財富，啲人喺電視台度見到我唱歌，跟住再上網搵番我啲視頻睇。」外表自信滿滿的龍婷，曾因語言看輕自己：「因為廣東話唔流利，你哋睇唔出呀？同埋我唔想講嘢太Juicy，想講真心嗰句。」來港7年的龍婷已有自己的製作公司，發展一帆風順，但也遇過不少困難。原來初來港時做過不少工作：「去見過樓面工，卻被嫌太斯文，做過化妝品、保健品代購，之後有朋友搵我去順利邨啲歌廳唱歌，初時都擔心係唔正經地方。」隨後，她又面對另一個挑戰：「歌廳啲主管畀咗張紙我，上面有100隻歌，廣東歌國語歌乜都有，我唔識唱㗎，逐隻歌上網搵，我做代購時一邊搭港鐵一邊聽，返到屋企又聽，一個月就學識好多歌。」
