「睡公主」鍾柔美 最驚唔夠瞓
演邵美琪女兒 未拍先緊張
「聲夢小花」鍾柔美（Yumi）將拍無綫新劇《卧底嬌娃》，飾演邵美琪的女兒。童星出身的她坦言久未拍劇，擔心演得不好，會盡力演好角色。Yumi又自爆是「睡公主」，擔心拍劇很辛苦，因每日都要睡10小時以上才有精神，希望拍劇時可慢慢適應。
鍾柔美、羅毓儀及新人Y.Siu昨日接受新城廣播《Z世代咪高峰會》節目訪問。Yumi剛與姚焯菲、詹天文完成演唱會，緊接拍攝合唱歌《CYA》MV，下月初Yumi更要拍無綫新劇《卧底嬌娃》，飾演邵美琪的女兒，她坦言未演出已心情緊張：「雖然我細個有拍劇經驗，但今次角色好重戲份，怕自己未必會演得好，但都會盡我所能。」Yumi坦言擔心拍劇辛苦，因她習慣每日睡10小時，試過最高紀錄瞓足18小時，但現在大個女，希望慢慢適應。提到跟邵美琪首次合作，她表示未見過對方：「但我係睇TVB劇長大，都有留意『媽咪』嘅演出。」
談到好友炎明熹（Gigi）有欣賞她的演唱會，Yumi透露開騷前Gigi到後台探班，互相傾談近況，奈何時間緊迫，未能談得太深入：「不過再次見面，感覺大家都成長咗好多。」
羅毓儀鍾情創作男
問到是否希望After Class齊人演出？Yumi說：「當然希望4個一齊演出，諗番我哋『聲夢』開始時4個小妺妹，但都係順其自然，要等公司安排，而且大家各有各忙，之後Chantel（姚焯菲）又唔喺香港，合體真係好難！」談到她與羅毓儀合演《卧》劇，羅毓儀笑言小時候看過對方演戲，Yumi尷尬說：「多謝！其實我會向唔同演員學習，因自己做唔到十全十美，希望觀眾體諒我嘅演技！」
演而優則唱的羅毓儀被問擇偶條件，她笑言創作型的男士必定加分：「因為我鍾意分享較深入內心深處嘅話題，可以喺創作人嘅作品了解佢嘅想法。」問到是否有創作人追求？她稱不覺得有追求者，加上半年前跟男友分手後，她仍未準備投入新戀情。
