美巡唱驚見外籍女粉唱《餘震》 軒仔讚犀利自覺似外國明星
香港文匯報訊（記者 阿祖）張敬軒日前正式展開「The Prime Classics HINS CHEUNG LIVE張敬軒演唱會」美加巡迴，首站於美國拉斯維加斯舉行，這亦是繼去年倫敦及澳門後，第18場巡迴演出。
作為美加巡迴首站，這次場地位於拉斯維加斯Caesars Palace的The Colosseum，以往有不少國際級歌手曾於這個場地演出，如Celin Dion及Adele。據知，該場地已多年未有邀請華人歌手到場演出，難怪軒仔表示既榮幸又興奮：「今晚可以企喺呢個舞台上面，好開心，我仲用Adele嘅化妝間同埋坐佢張櫈呀。」
雖然相距一年再於拉斯維加斯開show，再加上日前微軟死機，令各地機場大癱瘓，但各地歌迷如紐約、芝加哥、洛杉磯、西雅圖及墨爾本等，依然排除萬難到場睇show，軒仔十分感謝。
當晚演唱會歌單除了新歌《青春告別式》，亦有不少軒仔的代表作，如《櫻花樹下》、《笑忘書》、《餘震》等，都變成「大合唱環節」，當大合唱完《餘震》後，軒仔興奮地說：「我喺台度見到呢位外籍女士，佢識唱《餘震》呀。佢真係好犀利。突然間令到我覺得自己好似一個外國明星，好犀利呀。我第一次見到有外籍人士唱我啲歌，除咗我『遮遮』之外，好神奇。我想話，你（外籍女士老公）都真係好有福氣，你老婆愛你愛到連廣東歌都學。」隨即全場歡呼。
軒仔更「效法」Adele去年演唱會上派發T恤給歌迷的方式，不過是「加強版」：「佢送T恤畀觀眾係有支槍嘅，一射就射到好遠，但今次我準備咗一支炮，因為佢應該可以射到好遠，哈哈。呢個美國friend好勁，佢可以拋得好遠㗎。」隨後瘋狂將Tee拋向觀眾，氣氛熾熱。拋完Tee後，有歌迷大叫「拋埋軒仔」，於是美國朋友立即抱起軒仔作狀將他拋出，全場立即狂呼，最後，軒仔安全於台上着陸：「嘩！嚇死我呀！你哋知唔知我咁大個仔第一次畀人抱起。」引得全場爆笑。
