西班牙「英」雄出少年
歐國盃周日柏林演決賽
歐國盃周日深夜上演王者戰，西班牙與英格蘭於柏林奧運球場爭霸。今仗是由本屆表現最悅目球隊，與陣容最豪華球隊對決！英軍昨晨憑教練修夫基神調動，絕殺荷蘭殺入決賽，球隊表現持續向好，不過面對年少當銳的西班牙，無論速度體能都處明顯下風。今場西班牙贏面較高，但黑柴希望延續今屆歐國盃推介強勢，求穩陣揀「冠軍隊伍」西班牙！（Viu 99台、NOW 688及618台周一3:00am直播）
英格蘭準決賽對荷蘭，踢出本屆最佳上半場！即使開賽未幾先落後，仍能迅即扳平，半場表現遠在荷蘭之上。不過眾將到下半場明顯無法維持，跑動互傳速率下降，被荷蘭搶回優勢，能捱到絕殺對手，要多得荷蘭限於兵源及質素，未能趁機爭取入球。事實上英軍經過早前連續兩仗加時惡戰，並在準決賽後，休息時間少西班牙一天，體能肯定輸蝕。
修夫基上仗雖然調動出色，但性格始終保守求穩，來到決賽預期陣容不會大變，一批已拚搏過度的主力負荷更大。即使「三獅兵團」上下渴望贏得58年來首個大賽冠軍，有望以鬥志補體力不足，但捱到90分鐘亦未必捱到120分鐘，就算球隊在互射12碼大有進步，面對技術及速度非荷蘭可比的西班牙，亦恐難撐到尾。
不願冒險 三獅失先機
西班牙經過6場比賽，是大賽迄今表現最搶鏡球隊，在教練富安迪領導下，一洗以往無聊搓傳及進攻迂迴陋習，行軍快速進攻一針見血。尤其一對翼鋒尼高威廉斯及明日度過17歲生日的超新星耶馬爾，有力憑高速輾壓英軍防線疲兵，中場洛迪卡斯簡迪掃蕩力強，是球隊無名英雄；而原居副選的丹尼爾奧莫，因為柏迪受傷而擔正，更因禍得福大大提升球隊進攻本錢。今仗雙方人腳實力非常接近，但「三獅兵團」踢法向來「唔見棺材唔流眼淚」，開賽不願冒險搶先機，近3場淘汰賽都要落後下才肯發力，但往往追和後又嘆慢板，若然今仗繼續落後，預期難有再反先本錢。
