樹岸Chill住有「營」
位處商場二樓的西餐廳樹岸（Tree-Co）同樣在去年8月開業，店內布置富歐洲建築特色，石牆上的古希臘文字圖形打造出巴比倫風格，配上森林風裝潢，食客置身其中絕對可忘卻煩囂，Chill住嘆美食。樹岸最受歡迎是僅售¥78的全日餐，包主食、小食、餐湯或餐飲，大件夾抵食，性價比超高。此外，樹岸是深圳激罕有「營」之選餐廳，主打少鹽少油，全日餐的主食有多種沙律供食客揀選，怕肥人士北上搵食都有出路。店舖主管官小姐接受本報訪問時稱：「內地近年唔少人注重健康飲食，我哋除咗嚴控食物品質，同時專注健康菜式，少油少鹽！」她坦言每逢周末有八成客人來自香港，她又稱：「除咗戰斧牛扒、安格斯雪花牛扒等大路選擇，比較健康嘅藜麥雞肉牛油果沙拉（沙律），有雞肉、牛油果、粟米筍、番茄仔及沙律菜等，口味清新、賣相鮮艷，亦係唔少港客必點之選。」
