「骷髏死神」溫網開殺戒
麥維迪夫殺退帶病一哥
男子網壇世界「一哥」贊歷克冼拿昨晨在溫布頓網賽男單八強面對俄羅斯的麥維迪夫，最終帶病激鬥五盤，以7:6（9:7）、4:6、6:7（4:7）、6:2及3:6不敵，無緣晉級。成功報回今年澳網決賽敗陣之辱的麥維迪夫，憑非凡鬥志及超強調動打法勝出勇闖四強，賽後獲轉任球評的澳洲名將基治奧斯為其起花名為「骷髏死神」（Slim Reaper），大讚其演出，且看這位死神威力，能否稱霸溫網吧！
冼拿今戰帶病上陣，第三盤更一度要暫停比賽接受治療，他賽後解釋：「其實今朝我已經感覺唔妥，有啲問題，加上疲勞，真係好難捱。我冇嘔，但因為覺得暈，所以要時間抖抖。真係唔易，但我已經盡晒力去戰鬥。」
這位意大利超新星打得辛苦主要原因，其實是與對手為5號種子、一向鬥志毅力驚人的麥維迪夫有絕大關係。28歲的麥維迪夫今場展現了他在草地作戰能力的進步，無論發球或回球的判斷都極之出色，不斷將冼拿調動前後左右，消耗對方體力，賽後，這位2021年美網冠軍表示：「對我嚟講最重要一點，係話畀對手知，我預咗會戰鬥，肯定唔會畀你好過。我哋仲會有好多次交手，可能你贏得多啲，或者係我贏更多，我都唔知道，但我肯定會作戰到底！」
麥維迪夫爛打的表現，贏得了基治奧斯的讚賞，後者在網上發文：「這個骷髏死神令人眼前一亮，係我睇過佢喺草地打得最好嘅一場，佢出色嘅回波，同揀到最適當時候上網，令佢變得好危險。」「骷髏死神」的綽號來自NBA名將杜蘭特的外號，形容他身材高挑，技藝超凡，招招奪命，熱愛NBA的基治奧斯也以此來形容麥維迪夫。
四強鬥衛冕艾卡拉斯
晉級後的麥維迪夫，四強將會與衛冕的艾卡拉斯交手，預計又會是場硬仗，後者在八強戰以盤數3:1反勝美國的湯美保羅。麥維迪夫受訪時大讚這位對手：「老實講，佢各樣都好勁，無論你點樣打過去，佢都可以打番嚟攞制勝分，根本冇乜球員好似佢咁！」不過，「骷髏死神」的進化，勢必為這場準決賽提供精彩一戰。
