開騷撞正歐洲國家盃 伊健哽咽謝觀眾支持

香港仔 P20 2024-07-10

　　鄭伊健日前在英國倫敦舉行演唱會，適逢開騷當日舉行歐洲國家盃賽事，伊健說：「我第一次喺英國開騷，好難得，多謝你哋選擇唔睇波，嚟睇我演唱會。」當他唱2009年作品《新歌》時，重提當時的低潮期：「點解叫《新歌》？當年我睇歌詞問點解，點樣『新嘅我』？嗰陣時理解能力有限！但今日攞番首歌出嚟，我同陳光榮講：『嘩，原來呢首歌唔係講我喎，係講一個人生。』」伊健唱到眼濕濕，唱完後深呼吸，整頓情緒後再唱最後一首歌《Together》。

　　完場後歌迷不願離開，伊健再度出場唱《動地驚天愛戀過》，他看到台下歌迷全部站起來，又再哽咽說：「所有歌真係唱晒，導演叫我出嚟唱多首歌。點都好，多謝你哋冇離開，Thank You！」最後他唱《你的我》為倫敦站畫上完美句號。